松露醬溏心蛋

前幾日行太古城超市,
見到有孖裝松露醬$139兩樽,
真唔敢相信, 因為平時一樽都要百多元.
唔知係咪好耐無行超市, 見到樣樣都想買,
咁就比佢拖走咗我一隻金牛,
哈哈! 全部都是食物來的.

松露醬包裝內有一張小咭,
兩面都有一個食譜,
一個係黑松露溏心蛋,
另一個係牛肝菌醬伴意大利粉,
兩個煮法都好簡單,
今日試咗黑松露溏心蛋, 好美味呀.
其實我都有去上堂學整溏心蛋,
蛋的數目和時間要處理得好,
覺得好難, 所以一直都未有煮過,
第一次整就成功好開心呢.
husband食過之後話...以後點出去食嘢!

意大利樂其雅食譜:
雞蛋4隻
鹽2茶匙
黑松露菌醬適量
1.將生雞蛋從冰箱取出後先泡在水裡至少一小時直到恢復室溫.
2.開水於鍋中煮沸後轉小火, 倒入鹽, 接著放雞蛋.
3.把雞蛋煮2分鐘, 熄火焗4分鐘.
4.將雞蛋浸泡在冷水裡冷卻, 避免餘溫使蛋黃熟透.
5.輕輕撥開蛋殼後, 將雞蛋對半切開備用.
6.最後, 在溏心蛋上放上適量黑松露醬即可.

我的經驗是要用個大又高身的煲, 水要起碼一半以上.

一樽黑松露醬, 一樽牛肝菌醬, 各90克一樽,賣$139真係好抵呢.
和朋友講, 朋友都有去買, 朋友話係做緊推廣, 在太只做一星期推廣, 早知我買多一pack喇.

Continue Reading...

偷工減料版葡式海鮮飯

早幾日無意中在youtube睇到大廚Ricky Cheung烹餁的片,
其中一個葡式海鮮飯好吸引，
雖然我沒有海蝦，蜆和魷魚，
但有急凍龍蝦尾和北海道刺身帶子都算海鮮囉，
整咗出嚟真係好好食呀，
有興趣嘅話可以跟著煮喇。
http://youtu.be/nMxFLf_bMr4

Continue Reading...

榮升師母

Husband的學生來家中探訪我們,
他們稱呼我做師母,當了長輩,真唔習慣呢.
特別為他們煮了晚飯,希望他們鐘意喇. 

西班牙海鮮飯
1)250克西班牙米, 270克雞湯和水(各半), 2個蕃茄切碎, 少許西藏紅花, 以上材料混和浸約一小時.
2)用平底鑊炒香蒜頭碎, 半個洋蔥碎和半個紅甜椒碎, 加入已浸的西班牙米材料連水,
3)煮至滾起收慢火 (起初要攪拌, 滾起不要攪),
加少許鹽和黑椒碎調味, 煮約15分鐘.
4)將海鮮用鹽和黑椒碎調味, 用油爆香蒜片, 贊些白酒, 大火煎熟各樣海鮮(我用了蝦, 帶子和青口).
5)把煎熟的海鮮連汁放在西班牙飯面, 焗約5分鐘, 食前灑上檸檬汁.

蒜茸焗美國小野雞.

焗羊架

蔬果沙律
只用了羅馬生菜, 士多啤梨, 牛油果, 青瓜和車厘茄, 好清新.

士多啤梨沙律汁

8個士多啤梨切碎, 4湯匙楓樹糖漿, 2湯匙陳醋, 4-5湯匙橄欖油同放入blender內打均.

 





Continue Reading...

是日晚餐 ~ diy pizza

祝大家
元宵節快樂!
情人節快樂!

雖然是難得一遇的元宵節和情人節同在一日,

我們一家都選擇留在家,

簡簡單單的做個pizza吃.

 舖滿Mozzarella Cheese...

材料有洋蔥, 紅甜椒, 磨菇, 紅椒腸, 菠蘿.

囡囡在廸廸尼買的碟.

超市嬸嬸介紹的Danish Mozzarella Cheese 和American Pepperoni, 都好吃呀.

Pizza粉用了現成的, 只要加入半杯熱水拌勻成麵團, 等5分鐘就可以用手按平成pizza餅底, 蕃茄醬用M & S的, 超級方便呢.

Continue Reading...

蕪花果BB波菜沙律, 青橄欖煮青衣魚柳

 

 

Continue Reading...

蕪花果BB波菜沙律, 青橄欖煮青衣魚柳

Yahoo 會在12月26日關門大吉囉,
唔寫lu......
由08年8月中開始寫第一篇blog, 至今有5年多喇,
當中認識很多素未謀面的朋友,
多年來大家互相分享和支持,
雖有不捨得也要說聲再見!
朋友們, 有機會再在空氣中傾談吧.

Continue Reading...

紅酒燴羊肩

 

以往煮紅酒燴羊肉, 總覺得好大工程,
要預備材料, 又要預先解凍羊肉,
仲要煮兩三個鐘,
依家煮慣左, 覺得易好多.

 喺超市買左一pack威爾斯羊肩肉,
大概500g剛好一餐食晒,
因為份量唔多, 今次無用長時間去炆,
用左真空煲去煮, 效果唔錯, 軟軟焾焾,
我諗以後都會用真空煲去燴羊肉, 唔使睇火...

Continue Reading...

是日晚餐 ~慢焗紐西蘭法式羊架, 羅馬生菜沙律, 蕃茄菜湯.

昨天和好友去過會展的美食展,
食完早餐, 大概10點半去到會場門外,
嚇得我吖, 龍尾已經排到去到街外的街尾,
幸好, 好快就可以去到售票處,
見到有多人有備而來, 各式各樣的車仔都有,
我只係帶左個購物袋, 而husband就帶了背囊,
不算滿載而歸, 唔覺唔覺行左4個鐘,
真係好攰呀 ~ 後來先發覺已經3點幾, 還未食午飯喎!

在美食展買的羊架, 成為今晚晚餐主菜...

Continue Reading...

近排伙食

天氣熱, 少左煲飯炒餸,
老火湯又麻麻地喜歡, 鍾意滾湯多d,
一個主菜, 一個沙律搞掂,
呢個星期晚餐大概係......




檸檬葉香茅焗雞,
將切碎檸檬葉香茅放入雞皮與雞肉之間,
焗好香噴噴.

Continue Reading...

碟頭飯

今日復活節假期首日,
本想去廸廸尼行下,
加左價唔知會唔會少左人入場呢...
但天色黑沉沉,
終於呆了在家.......


呵呵!近排晚餐做了多餐碟頭飯,
貪佢易方便易煮, 仲有係好好味呢,
不過husband話咁嘅情形要減家用喎..

Continue Reading...

焗酥皮羊肉卷

有日睇電視一個烹飪節目,
由有"地獄廚神"之稱的Gordon Ramsay主持,
示範酥皮焗牛柳,
拿拿聲記低材料和做法.....

剩係去買包酥皮就煮得囉,
因為其他材料我都有.....
材料有: 酥皮, 牛柳, 白菌, 栗子, 巴爾瑪火腿.

打開雪櫃冰箱, 見到仲有一包急凍紅莓,
就用紅莓整咗個汁, 微微酸, 配酥皮羊好夾呀, 減少肥膩感覺,
一時又話牛, 一時又話羊,
因為husband唔食牛, 所以將件羊架起肉嚟整囉...

Continue Reading...

除夕自煮晚餐

今日除夕,
連新都會商場對出馬路都攪2013年倒數,
又要封路,
四處一定都係人山人海,
我地呢d老人家都係喺屋企舒舒服服煮下飯.
對住暖爐睇下電視好囉~

Continue Reading...

牛肝菌意大利飯(2人份)

到意大利當然買返d食材啦,
芝士, 牛肝菌, 意大利火腿, '0'號麵粉(聽講話整pizza好正喎), 松露醬....
仲有就係買埋米添呀,
如果唔係成日驚過20kg行李, 一定會買買買.....

Continue Reading...

是日晚餐 ~ 白菌小露筍蜆肉周打蛋麵 (2人份)

今晚好夜先煮飯,
名符其實係晚餐 ~

 

Continue Reading...

是日晚餐 ~ 保雲頓羊架伴黑醋汁沙律

噚日打開冰格先知原來有兩件羊架, 都記唔起幾時買落.....
放在下層解凍, 今日可以整囉.....




焗好啦, 嗰d濕濕碎嘅麵包糠好香口, 加埋香草味道好野味呀.

Continue Reading...

肉醬意粉

記得第一次自己煮西菜就係千層麵,
N年前囉, 喺餐廳食過之後,
自己就試吓去煮, 都係估吓估吓咁試整,
整過覺得味道都唔錯,
以後整類似嘅都係隨自己意去煮呢,
整肉醬都係咁上下啦,
材料都係蕃茄, 洋蔥, 茄膏,
想味道多d, 又可以用紅黃甜椒, 鮮/乾菌類, 甘筍...
加埋白酒去煮都得, 總之啱自己味道就得囉.
喺餐廳食千層麵同肉醬意粉硬係覺得佢過鹹和過酸,
又唔難整, 我多數自己煮囉..
不過煮千層麵真係要好好心機,
因為一次只可以烚兩三片麵,
烚完又要用保鮮紙隔開包好,
所以比較少煮千層麵, 除非有朋友到啦!

Continue Reading...

紅酒燴羊膝伴[黑松露醬薯茸] (2人份) @ rity's kitchen.

今次加快效率,
寫埋個黑松露醬薯茸先.

Continue Reading...

[紅酒燴羊膝]伴黑松露醬薯茸 (2人份) @ rity's kitchen

呢個已經唔係是日晚餐,

係好多日前嘅晚餐嚟囉.....

好囉! 好囉!
胃鏡報告出咗,
無事啦, 只係胃炎同胃酸過多,
唔好食辣, 唔好食酸, 唔好飲酒, 唔好食咁飽, 唔好......
總之係食清d, 同食藥啦...
用酒煮嘅唔怕卦.....

紅酒燴羊膝

Continue Reading...

牛肝菌白菌洋蔥湯 (4人份)

星期日約咗團友回家吃飯,
有得煮無得食,
因為連續兩晚失眠,
星期日成日都呆呆滯滯咁,
咩都食唔落.
好簡單咁整咗個湯,
要團友買馳名九龍城的咖哩羊腩呢,
真係做咗呀呆, 無幫一入屋就香噴噴嘅咖哩羊腩影相,
無得食, 日後睇番都好吖嘛.

嘻嘻! 團友幫我個廚房改咗個名....
Rity's Kitchen.....好好聽啊

Continue Reading...

是日晚餐 ~ 松茸西班牙海鮮飯

早幾日學咗呢個飯,
因為太好味,
所以心思思想整.
近排天氣實在太悶熱,
連買餸都無心機,
今晚只係整呢個海鮮飯,
所以煮嘅時候都有d壓力,
如果失敗咗就弊啦,
分分鐘無得開飯~

Continue Reading...