新界一日遊

一月二十七日, 
約了朋友在到尖鼻咀, 上白泥和下白泥,
但天色灰朦朦, 遊人唔多,
只有一對情侶和幾個踏單車的後生仔.
天氣涼涼地, 行下都好舒服. 

貼在車身的貼子.

影完相就到流浮山食晚飯.

蜜糖雞翼, 今次麻麻地, 唔夠脆皮.

胡椒生蠔湯, 湯好快清晒, 剩左d蠔.

一睇呢碟都應該估到係邦記的招牌菜~炆班頭腩.

酥炸生蠔好鬆化, 太熱氣唔敢多食.
我們沒有自購海鮮, 
說要大概每人300元, 由舖頭幫我地出主意,
最後連酒水每人340元, 個個都讚好, 
菜色樣樣都好有鑊氣.
就係太有鑊氣, 晚後有少少喉嚨痛,要飲清熱酷.

Continue Reading...

遊西貢

 

我都從未幫親過呢d海鮮艇, 怕問咗幾多錢, 覺得貴嘅話,  唔買唔好意思.

 

賣魚嘅唔多, 大多數都係賣墨魚, 咁大舊膽固醇, 都有咁多人買

 

 

 

呢兩隻狗睇怕都要減吓肥啦, 狗同人一樣都會有心臟病架.

 

佢睇住路人甲袋菠蘿包, 路人甲話隻狗嘴 "lam lam" (唉, 唔識寫呀)想食喎, 個主人梗係唔比啦.

 

 

呢d船係載人去打高爾夫球.

 

 

喺度又hea咗一個下午.

 

呢日好多人, 海鮮食肆爆晒棚, 日落之後我同husband都係返屋企開餐.

Continue Reading...

濕地公園

濕地公園開左咁耐都未去過, 出發前打電話比老友攞料, 因為要做哎呀導遊, 唔想有咩差池. 多謝老友的溫馨提示, 我買左半年年票啦.

風景真係唔錯, 有少少唔似處身香港咁..........又發夢嘞

可能係weekday, 四圍都靜英英....

係度逛左4個鐘, 路牌指示下面果三個地區都無去呢, 要留番天氣涼d先再去喇.....

比佢針到就大劑喇......

遠望過去係咪深圳呢?

佢地係度爭緊地盆, 最後細果隻勝利, haha...突然諗起日本小食炸蟹仔.

遊遊吓個天黑晒......

唯有去左大家樂避雨, 歎下午茶三寶......鹵水雞翼, 芝士火腿治, 春卷各一件, 連coffee or tea 都係$16?18蚊?

呢排都幾忙, 我平時都好少去街去得咁密, 朋友星期六返西雅圖lu, 之後可以抖抖, 跟住要執拾行裝喇....

                  ~~~~~~~~~~~~~~~~~~~~~~~~~~~

補充番果日攪笑野... 我地去到[人類文化館](咁上下名稱喇), 見到有咩咩飛船嘅機動遊戲, 佢地個個都話要玩, 不過我自從玩過廸廸尼嘅space mountain之後, 以後都唔會再玩呢類機動遊戲, 經佢地強烈推動, 又聽到個職員鬼咁開心同佢個同事講 '有生意啦', 唯有都一齊玩啦.  未開始之前, 會坐一埋一排, 個職員講解一番, 又話有血壓高, 心臟病, 有bb, 腰骨有問題都唔適宜坐, d個人手提袋又要擺開, 嚇得我起身走人唔玩啦, 不過又比人抆住,要我玩埋一份, 個職員話如果見唔舒服, 即刻解開安全帶, 隻船就會停架喎.  終於坐果隻飛船喇, 我第一時間梗係扶到實............車!..........都唔行嘅, 只係喺原地搖吓搖吓, 無啦啦驚一餐.

Continue Reading...