肉鬆包

以前無咩信心整麵包, 所以都會用麵包機做晒全部程序,
用麵包機焗麵包, 就要跟足佢嘅份量, 要用250g麵粉,
250g麵粉做出嚟嘅包大概有1磅,
對我地嚟講都算多, 一日會食唔晒, 變咗好多時都要食隔兩夜嘅麵包,
的起心肝自己焗, 即係只係用部機去打麵團,
其餘步驟自己整囉..
咁就可以整一半份量, 日日清, 唔使食隔兩夜麵包呢..
好多謝老友們教我點整呀,
雖然無話用咩麵種又或者發酵幾多拾小時,
只係簡單嘅直接法, 但係對我嚟講已經好好味啦~

見唔到肉鬆嘅肉鬆包


見blog 友整嘅肉鬆包好靚, (食譜在此)我又整囉...
整咗6個, 好快得番4個.



今次分割得好平均..

 

包裡面有紫菜芝麻肉鬆做餡.
 

6個得一個靚靚仔仔咁, 左上角嗰個囉,
右下角嗰個完全唔同樣, 學呀媽話齋...喺街邊執番嚟.

其實我都有整好多麵包架,
不過無影相或者無post出嚟咋..

芝士煙肉包,
想學人黏d麥皮喺表面, 不過好多跌番晒.....

 

唔記得係咩餡料...

都係靚仔一名...

 

卷得唔夠實嘅肉鬆包..

喺apita買嘅乾果雜果提子乾,
整麵包好正呀, 用晒要再去入貨.
 

雜梅包..
來來去去都係咁上下啦~

 

抹茶紅豆包..

睇完飽未呀