Tiramisu

個女話想整tiramisu比朋友食,
於是夾手夾腳同佢一齊整,
得出嚟嘅結果係完全失敗囉,
唔知邊個步驟錯咗, 芝士同蛋黃漿化水, 蛋白漿就浮晒在表面,
兩個人都唔開心呀,
唔忿氣, 再買材料, ,再接再厲.....

朋友仔知我失敗, 比咗個食譜資料我,
預備好晒材料,
開工囉~




屋企無espresso咖啡粉, 超市又只得大樽裝,
惟有用咗husband嘅咖啡capsule.
 

鋪好浸滿咖啡和咖啡酒的手指餅.

 

輕手拌好芝士漿,
今次好成功呀,
滑一滑的...
 

鋪一層芝士漿蓋好手指餅.
 

 

放第二層手指餅.
 

又鋪蓋好芝士漿.
雪好就灑可可粉, 跟住食得啦.




雪咗幾個鐘, husband已經急不及待啦.

好軟滑呀, 其實應該要再雪耐d, 凍d好食d呀,
下次會落多些咖啡酒,
整好之後放入冰格雪6個鐘就perfect啦!




以往做tiramisu都係按呢本食譜做,
佢係用rum酒, 而且用蛋白,
一向都無問題, 材料都好簡單, 味道唔錯,
唔知點解會失敗呢, 以前都未試過,
蛋黃漿同芝士漿變得水咁稀, 蛋白漿浮晒面,
浪費咗材料同心機添~





為咗一個滑鐵盧tiramisu, 特登去買咗一支咖啡酒, 一枝杏仁酒,
另一枝青酒唔係整tiramisu嘅, 見佢係得獎酒, 買嚟試吓啫,
行勻吉之島, apita, citysuper, 原來最平都係citysuper.




叮噹一百周年, 海運大廈攪咗個叮噹祭,
有成百個3呎高嘅叮噹地放喺海運前面, 星光行隔離, 5枝旗桿左邊,
喺citysuper買完酒, 諗住去睇吓d叮噹, 同叮噹影番張相,
去到見到咁嘅環境......要第一時間離開現場lu.