我都算係一個完全無運動嘅人, 最大運動就係做家務. 上週末跟小六去行山, husband 當然支持喇! 齊齊由太和火車站出發, 沿九龍坑山步行往流水響鶴藪, 途中登至海拔440米高, 總路程約10公里, 歷時4小時...........
小六話帶埋相機可以邊行邊影吓風景, 順便熟練一吓部500d, 不過早一晚只訓到個幾小時, 自知狀態唔多好, 只好帶返部傻瓜機算了.
第一次行山, 仲要上好多好多梯級, 都好辛苦吓.........
上完第一道梯級, 見有人放棄, 我都想放棄呀, 但係husband當然唔贊成我咁快就放棄喇, 為唯有再努力努力......
途中都想放棄過幾次.......行左大約兩個鐘, 個心好跳好氣喘兼有少少暈, 望過去要到達最高點還有兩個山頭, 我已經放軟晒個人坐左喺梯級, 決定決定放棄, 幸好有小六的honey書僮支持, 和husband在旁減輕心理負擔, 抖一抖, 定一定神, 終於企返起身繼續前進
終於到達終點......到左終點我地仲有bbq, 由書僮的公司同事安排, 還有佢公司專程載d飲品, 食物到場地, 大機構真係福利好嘅......
書僮嘅同事好nice, 雖然第一次見, 但係都好似係自己朋友咁.....
可惜我全程都無睇風景, 剩係望主個地下嚟行, 唔敢望咁遠, 因為見到仲要行咁遠就驚左......
不過行完之後, 好開心自己可以做到, 都希望第日可以再行番呢段路, 到時可以欣賞一吓d風景.
最開心都係我husband, 因為佢一直都係擔心我嘅健康, 有任何運動佢都會支持我的.
回覆刪除咁嘥呀 , 唔影吓相 , 派你再去多次
[版主回覆01/16/2010 12:29:00]暫時仲有d梯級恐懼症, 咪嘞!
要恭喜妳喇. 對健康有益的當然會舉手舉腳贊成及鼓勵, keep it up。。。
回覆刪除[版主回覆01/16/2010 12:32:00]係呀, 行完面色都好d, 真係要keep住, 下個週未又跟小六去行山呢.
你踏出第一步，一步一步又一步
回覆刪除你行前，等我傷患復原與你一齊行山賞景拍照…
[版主回覆01/19/2010 20:36:00]等你快d好番, 我地四圍去...
行山係唔係好好玩呢﹖我以前都只係一味望住個地下行，好少會抬高頭睇風景，但宜家開始，我會一路行，一路睇下沿途的風光。行完全程，當你望回自己行過的路，會好有滿足感呢。
回覆刪除[版主回覆01/19/2010 20:38:00]係呀, 行完一個山頭, 望番轉頭, 真係'嘩'一聲, 原來自己行左咁多路.
近年缺少運動的我, 每次行山都係死死吓, 但係最後都行到, 選d輕鬆的行吓啦, 天氣涼都唔錯呀!
回覆刪除[版主回覆01/19/2010 20:42:00]你地d高級團, 我要練多d先敢跟你地行呢.
好嘢!給自己鼓掌! 我行山都好慢嫁,因為我鐘意睇風景同花草,所以爾雅爸爸成日都要倍我行到包尾!
回覆刪除[版主回覆01/20/2010 13:36:00]可惜我累到睇風景都無心情呢.