上個週末又跟小六去行山嘞, 今次由鹿頸出發、經谷埔、到荔枝窩休息兼吃午餐, 我帶左早一日整嘅紅莓山合核包, d包隔左一日夜, 天氣又凍, 食起上嚟無咁軟熟呢. 食飽飽休息左小小時間..... 唉!我行得慢比其他人遲到站, 咪抖得少d囉....... 再起程往三椏涌、上下苗田、九擔租、烏絞滕為終點, 全程上山落山, 上山落山, 行左5個鍾.
對面就係深圳.
四處都好寧靜, 環境令人好舒服.
見唔見到好遠嘅團友呀, 我永遠都係包尾.
見到呢個路牌好開心, 知道有得抖吓嘛.
成條村都好似荒廢左嘅..
bye bye荔枝窩...又要起程 lu.
沿途嘅風景好靚, 今次可以一路行一路欣賞吓風景, 見我影咁多相, 知我今次進步左好多喇, 當然都有喘氣嘅時候.
見到小六休休閒閒慢慢行, 我係佢後面急急腳行, 梗係追唔到佢嘅.
兩個星期前行左一次, 今次明顯進步好多, 行完之後, 係搭回程車時對腳好痛, 但係返到屋企, 對腳已經鬆晒唔痛, 我同husband都決定以後多d行吓山運動吓.......
呢條路好好行, 又有農村又有山景呀!
回覆刪除[版主回覆01/25/2010 22:19:00]係呀, 真係要多謝小六呢.
偷渡去深圳好近播 .
[版主回覆01/26/2010 20:08:00]係喇, 仲唔駛過關添.
呢條路段有好多靚風景,仲有白鷺睇嫁!
回覆刪除[版主回覆01/26/2010 20:09:00]哦!你都行過啦. 我第一次行呢.