食在東歐 @ 德國

同團友人一聽見話去東歐就肯定冇好啖好食, 買左好多杯麵, 仲帶埋熱水煲, 最終都係逗我地幫手食, 免得又帶返香港嘛.

我覺得東歐用餐都唔錯吖, 雖然味比較濃同偏咸,但係d sauce 間間都做得好好味.

 

 

一到步, 導遊姐姐放我地係街頭遊蕩, 最開心呀, 即刻走去搵食. 呢個只係街邊的攤檔, 烘得外脆內軟的包加上3條香腸, 大大啖咬落去, 好味呀, d香腸咁甘香嘅...

 

行過水果檔, 見到大大個無花果, 買左坐係街頭食, 好寫意呢...

 

在德國吃的第一個午餐, 當然要比d地道香腸我地食啦. 果pat薯蓉好滑呀, 仲好濃香牛油味添, 反而我覺得d酸菜好好味呢, 因為唔太酸....我係人地話個橙好甜, 但我都覺得酸的.

 

呢杯啤酒係薰煙過的一種, 唔好味嘅!!

 

 

雪糕好滑又唔太甜, 雲呢拿好味.

 

晚餐在酒店食自助餐, 太失望啦.

 

反而creme brulee做得很滑呢.

 

唔寄望的早餐帶來驚喜, 種類多又好味, 好多款芝士, 芝士好正呀, 尤其軟芝士, 我食左好多呢.

 

好耐冇食過生熟蛋啦, yummy...

個早餐食左成個鐘, 慢慢嘆啊!