呀女四月喺美國買返嚟嘅栗米條, 呢日終於拆開個包裝睇吓點整法, 跟住個指示去做. 嗱, 佢寫住THIS SIDE DOWN架.
加鹽同黑椒都幾好食.
食呢包爆谷就損失慘重囉, d字印晒落爐, 洗都洗唔去, 變左污糟貓. 早知用隻碟, 最多無左隻碟啫.
2010年7月13日 星期二
house warming party @ 八八's new house
八八新居入伙邀請我地眾餅友開party, 當然少不了整..整..整..食...食...食, 每樣食少少已經好飽喇.
小肥糖的香檸葉焗雞, 皮脆肉滑 ~ ~ ~ 正.
肥妹仔的咖哩雞翼, 好野味, 屋主仲煲左一煲飯同煎左pan cake呢.
布冧的鴨舌
我嘅香草松露油焗魚柳
肥妹仔妹妹的冰震梅子番茄, 呢個天時食透心涼呀.
Vanilly 的咸芝士餅
小堡主的白朱古力mousse餅.
moon的綠茶柚子雪芳
Shirley 的檸檬意米水, 健脾美顏, 真係要飲多杯喇.
小三的炸春卷.
a moon 即場教的銅鑼燒, 難為 a moon 喺廚房企左好耐, 煎得好靚呀.
八八的即製豬肉乾, 佢話要賣20蚊一塊喎, 係右下角嘅細細塊, kakaka, 我地食左先, 你記得就慢慢計喇.
Continue Reading...
小肥糖的香檸葉焗雞, 皮脆肉滑 ~ ~ ~ 正.
肥妹仔的咖哩雞翼, 好野味, 屋主仲煲左一煲飯同煎左pan cake呢.
布冧的鴨舌
我嘅香草松露油焗魚柳
肥妹仔妹妹的冰震梅子番茄, 呢個天時食透心涼呀.
Vanilly 的咸芝士餅
小堡主的白朱古力mousse餅.
moon的綠茶柚子雪芳
Shirley 的檸檬意米水, 健脾美顏, 真係要飲多杯喇.
小三的炸春卷.
a moon 即場教的銅鑼燒, 難為 a moon 喺廚房企左好耐, 煎得好靚呀.
八八的即製豬肉乾, 佢話要賣20蚊一塊喎, 係右下角嘅細細塊, kakaka, 我地食左先, 你記得就慢慢計喇.
2010年7月6日 星期二
尖沙咀遊蕩
呢日跟朋友仔出尖沙咀參觀「史力加與DreamWorks好友」大頭公仔新聞發佈會, 原來惠康又有新物品換, 嘻嘻! 我最鍾意薑餅人嘅造型.
husband都問我睇唔睇史力加套卡通, 卡通片我麻麻地啊!
史力加好得意, 每次工作人員叫佢擺多個post, 佢就係咁嘞.
呢個公仔係朋友玩遊戲贏返嚟架!
最開心都係d小朋友.
跟住一個人去左海港城行左幾個鐘, 學人喺page one打書釘, 真係想學人地坐喺地下睇呀, 企到好攰呢, 呢本書我成本睇晒先買, 入面有好多我鐘意嘅食譜, 返到屋企, 睇吓睇吓好似煮緊咁, 好開心呢.
40粒蒜頭烤雞, 我以前上堂學過呀.
到夜晚, 等husband打完波就出太子銀杏館食飯. 佢地嘅侍應全部係長者嚟, 比長者都有一個自力更生嘅機會, 我都好支持呀, 佢地嘅服務好好架又細心.
不過有d侍應好健談, 猛同你介紹菜式, 食緊又問你意見, 但係我食飯唔多鍾意同陌生人傾計囉. 上次去食飯, 飯後送嘅糖水係綠豆沙, 我都話怕涼唔食得, 要一碗夠啦, 佢猛話正, 係要比兩碗你, 唔好意思食剩, 唯有比husband食埋.
方魚肉碎泡飯, 好美味, 我鍾意呀!
梅子鴨
潮式水瓜洛, 煎得好香口, 可惜d菜圃比較咸.
我好鍾意食以前茶餐廳嘅芙蓉煎蛋, 但係依家唔再食到嗰個風味lu.
2010年7月4日 星期日
銅鑼燒
雖然呢排天氣勁熱, 不過都無減低我地左騰右騰, 整呢樣整嗰樣嘅興致.
材料雖然簡單, 不過要逐塊煎, 要考耐性呢! 比埋個mark佢, 即刻靚晒.
三記帶來的muffin
我預早整的綠茶蜂蜜蛋糕.
嘆完開心下午茶餐要開功囉 ~
就係雕印仔時間!!
失憶証又發作啦, 返到屋企個文具箱多左呢支印墨, 唔知係同學仔送嘅還是係執埋人地嗰份呢
Continue Reading...
材料雖然簡單, 不過要逐塊煎, 要考耐性呢! 比埋個mark佢, 即刻靚晒.
嘆完開心下午茶餐要開功囉 ~
就係雕印仔時間!!
失憶証又發作啦, 返到屋企個文具箱多左呢支印墨, 唔知係同學仔送嘅還是係執埋人地嗰份呢
2010年7月1日 星期四
是日晚餐 ~ prama ham pasta w/black truffle oil
唔知食錯咩野, 噚晚又眼光光到天光, 今朝8點幾先瞓到, 但係11點半又醒番, 所以無乜胃口, 整左個沙律做 brunch - tea time meal.
呢個 prama ham pasta w/black truffle oil 就係我嘅 home alone dinner 嘞..
甜品有strawberry pudding.
2010年6月30日 星期三
dinner @ home
相約世界遊嘅團友食飯, 一邊食一邊傾吓10月嘅日本東北紅葉之旅, 計劃會去宮城縣, 秋田縣, 山形縣, 新潟縣, 來回起點係東京, 今次同樣都會租車, 越傾越開心呀......
今次食飯同以往唔同, 唔係一次過煮晒d食物上枱, 而係分幾回食, 可以慢慢食慢慢傾, 呢餐食左成4個幾鐘, 我地仲飲左3支白酒.
首先食左個甜品同小食....
斑蘭雪芳
板燒魚肉夾著日本大葉(紫蘇葉)加少許wasabi, 味道很清新.
第二回
朋友P專程往九龍城買的無骨海南雞, 雞肉滑嘟嘟, 好快清左成隻.
朋友C拿手凍蟹, 好鮮味呀. 佢好似望 "啤" 我咁播.
第三回
strawberry - orange chicken salad.
個個都話好過酒店嗰啲呢...
我自己都好滿意,由其是個sauce好正, 一定會再整嚟食. 要d菜爽脆, 洗完 "fling" 乾水要即刻放入雪柜.
美國長柄strawberry, 好甜好有士多啤梨味, 用左幾粒做salad 嘅 sauce : -strawbery4粒打茸加2湯匙楓樹糖漿再加一湯匙 red wine vinegar拌勻就得喇, 我都常會放入個玻璃瓶度, 然後大力搖勻佢.
maple syrup roasted pork rack.
朋友食左第一啖嘅反應係.....嘩一聲, 佢話估唔到d豬扒會咁juicy同埋咁soft, 因為我用左低溫焗嘛, 先煎香豬架表面封肉汁, 用180度焗30分鐘, 再用160度焗1小時, 淋上楓樹糖漿再用230度焗5分鐘, 之後用火槍燒香有脂肪表面, 加上呢件係加拿大極級穀飼豬扒, 當然好味呢....
第4回
朋友P買嘅咖哩羊, 辣度啱晒我, 跟麵包跟飯好正.
西班牙海鮮飯, 自從用左塊格熱板煮煲仔飯, 無再煲燶飯, d飯好正, 因為有saffron加埋紅甜椒嘅味好夾, 我好鐘意saffron嘅味道, 可惜d蝦唔得, 因為用左盒裝雪蝦, 以後都咪鬼買.
我地7個人就係食左咁多野喇, 好飽呀........
斑蘭雪芳蛋糕, 好味到要即時整多個呢....
訂閱：
文章 (Atom)