Rity Yc's Blog

2010年3月25日星期四

意大利雲吞配墨魚汁

又搬番部壓麵機出嚟玩吓

饀材料有

波菜風乾西班牙火腿羅馬羊奶芝士

個皮壓得薄左

下次整厚d

飽肚d嘛

啱啱好一啖一隻

好味呀 ~ ~ ~

2010年3月24日星期三

花展2010 (二)

今年花展嘅參展作品失色好多lu

我覺得最差呢個作品

一見到海洋公園呢隻肥熊熊

好攪笑好開心

呢個呀姐對條龍好有興趣

同我鬥企得耐咁

唉! 都係唔影喇

學生嘅校服好七彩繽紛好應景呢

花展 2010

呢日去睇花展好熱啊

我個頭痴左線咁猛出汗

又迫又熱

逗留左一個鐘

'了'左去 sogo

好多花都開始謝啦!

垂死掙扎

2010年3月23日星期二

Vienna's Bday Dinner

Vienna生日, 幾年嚟對佢開左嘅期票終於兌現囉, 整左一餐賀吓佢嘅生日.

早一日嘅功課就成為Vienna嘅生日蛋糕.

我自己都話......好靚啊! 好味呀!

西餐唔少得嘅沙律

配沙律嘅汁以前出過好多次場, 好多朋友都話好味呢!

材料有: 橄欖油6湯匙, 紅酒醋2湯匙, Dijon芥末1茶匙, 新鮮意大利香草適量切碎,鹽和黑胡椒調味, 將所有材料放入玻璃瓶內蓋好, 大力搖勻....... 簡單好味, 怕酸可加半茶匙糖.

黑松露.....當然唔係來路喇, 係來自祖國雲南, 都好味架, 不過唔可以就咁食, 要用低溫油浸煮過先好食呀.

黑松露薯蓉

白酒忌廉煮藍青口

海鮮焗芝士意大利飯

主角..............楓樹糖漿焗豬柳架

今次無失手勢, 個個都話好味, 讚不絕口, 好開心呢!

屋企多左個新成員, Vienna一見到猛攬住佢影相, 十足一個大細路.

我都攬佢唔晒呀.

2010年3月22日星期一

Mango & Raspberry Entremet @ L'Atelier du Goût

成年幾兩年無整蛋糕喇

一開始好緊張呢

我嘅功課

呢個係 Johnny Sir 整架

好香嘅天然果味, 好清新.....

係 L'Atelier du Goût上堂

又開心, 又放心

用嘅一定係最好嘅材料

還有窩心茶點

極速冷凍櫃

見到個咁先進嘅冷凍櫃.........

令我想起多年前去學mousse餅, 邊間?......執左lu, 佢個雪櫃係座地開頂的, 即係賣雪糕雪條果款, 當我打開佢放個餅落去時, 嘩!....入面有火腿啦, 牛油啦, 唔知d咩咩罐頭啦, 總之仲亂過我屋企個雪櫃, 個個同學都塞個餅落去, 我都無眼睇, 拎番出嚟當然係斜晒囉, 返到屋企散埋添.....

2010年3月17日星期三

痴左線

梗係唔係話我自己喇

我講緊佢呀.....

咪係麵包機囉

個包焗到.....

好似d頂角膏蟹咁

頂晒蓋

你地話佢係咪痴左線吖

明明無落錯材料喎

2010年3月12日星期五

中獎

月前廸士尼攪左個'虎虎生福"大抽獎, 係持有年票嘅係新年期間每入場一次就有一次抽獎機會. 我都係去左2次, 唔記得左呢件事咁滯, 點知收到email話中左獎, 好鬼開心, 依家都未決定幾時去住呢.

依家仲開心緊

2010年3月9日星期二

同husband漫無目的咁係澳門hea 吓, 無去澳門兩年幾lu, 嘩! 起左好多酒店, 參觀左美高梅金殿, 新葡京, 舊葡京, 永利, 新豪天地, HARD ROCK HOTEL, 威尼斯人...又去左從未到過嘅堡壘炮台, 唉..影影吓相無晒電, 帶去嘅士啤電又無電, 連手機電都用清, 真失策, 唯有搵日又去過囉.....

一到步就上左美高梅金殿嘅酒店專車, haha, 依家交通真係方面嘅啫, 本來打算去中菜廳飲茶, 點知佢話無訂枱就無位喎, 閒日嚟咋喎, 係咪咁旺呀, 於是行左去西餐廳, 自助午餐做緊馬來西亞美食推廣, 鬼咁肚餓, 唔理啦食住先, 下午再去歎過下午茶.....食物都唔錯, 食完仲飽到夜晚...

美高梅金殿酒店.... 雖然個大花園人工左d, 不過都好大好靚, 有好多攝影發燒友係度影相添呀..