黑森林蛋糕

上個月學整的黑森林蛋糕送了給朋友, 
所以不知道味道如何.
終於買齊材料可以再整一次, 
呢個蛋糕的材料真不少呀, 
蛋糕分四個部份, 
蛋糕底, 朱古力餡, 車厘子餡和慕絲,
自己一手一腳量材料, 煮餡料, 焗餅,
和簡單的修飾,
仲有係咁洗呀洗, 
足足整咗六個鐘有多.

Koo sir話黑森林蛋糕係講求味道, 外貌係其次,
亂咗d, ok喇!

車厘餡材料.

蛋糕底材料.
因為已經進入作戰狀態, 
所以沒有影其餘材料,
也沒有影太多相.

蛋糕底.

酒浸車厘, 個樽蓋太大, 
完全無法打開, 
好彩husband及時回家, 唔使整整下停工.

真係好好味呢, 

好大工程, 唔知幾時再會整.

個黑森林蛋糕用咗11隻蛋黃, 3隻半蛋白, 

於是乎煮咗個金華火腿炒蛋白做晚餐.

早一日煮定嘅梅菜炆肉排.

煮多煲粟米魚肚湯.

跟住落嚟八下囡囡一件事~
話說呀女上個月去東京旅遊幾日, 
返到香港發覺唔見咗"呀毛", 
於是send 電郵去住過的民宿問問, 
原來"呀毛"真係流落異鄉呀, 
好幸運地開民宿的澳洲人老闆肯寄返嚟香港,
仲係免費, 老闆真好人,
如果唔係"呀毛"就要落籍日本lu.

返到屋企, 呀女嗱嗱聲幫佢洗個熱水浴, 
當堂醒晒.

話"呀毛"受驚喎, 
要pinky錫番,
pinky係芝麻街, cookie monster細妹,
pinky只在日本先有嘅呢.

Continue Reading...

夜逛尖沙咀

前兩晚到尖沙咀吃晚飯,  
順便睇埋聖誕燈飾,
今年尖沙咀燈飾唔多, 
只有兩間大酒店有佈置, 
彌敦道和廣東道一些聖誕氣氛都沒有,
而海運大廈的聖誕佈置也失色.

祟光在喜來登酒店商場開了新分店, 
一層賣珠寶手飾手錶, 
一層賣皮鞋手袋, 
兩層賣化妝品, 
已經沒興趣再行了, 
好似還有一層賣衣服之類,
沒有超市和家居用品, 唔使再去lu.

先在K11商場一間飯店吃晚飯,
海南雞飯套餐, 有飯, 切雞, 一小盅肉骨茶
和一大杯羅漢果水, 去骨切雞唔韌唔'鞋',滑滑的,
98元都ok. 

店內很多新加坡街道的相片.

半島酒店聖誕燈飾佈置.

尖沙咀一帶街道都沒有聖誕氣氛.

人流最旺的1881酒店,
也是尖沙咀最多燈飾的地方.

尖沙咀廣東道靜英英, 一個燈飾也沒有.

今海運大廈的聖誕佈置實在失色.

很悶的維港激光匯演.

中環新設的巨型摩天輪,
100元坐一次, 大概轉3至5個圈, 約15分鐘, 
日間人流較少, 唔使排大長時間, 但係視野無咁靚,
晚上當然靚得多, 不過要輪候時間就多好多.

今年聖誕節氣氛很弱, 
可能商場商舖怕咗不速之客購物團,
所以全都低調了.
很想過一個有氣氛的白色聖誕.

Continue Reading...

很失望的臘味糯米飯

今日幫襯了太興兩次, 
吃完下午茶, 往廸士尼行了一轉, 
再到太興買個糯米飯, 
咁夜晚嗰餐可以慳番少少工夫.

切開西多士真開心, 因為中間沒有花生醬的.
一嚟唔鍾意食花生醬, 
二嚟西多士已經好罪惡, 
再加埋花生醬真係唔得掂.

油占厚多士, 已經沒有以往茶餐廳油占多的味道.

食完下午茶, 往廸士尼散步,
今日沒有入樂園, 只係由酒店行去廸欣湖,
急步來回都要個半小時, 夠晒運動量.

天生一對, 好靚呀~

估唔到洋紫荊在12月開花.

唔知呢棵咩樹, 好多果實.

至靚的seven.

第一次去廸欣湖公園, 地方好大, 
有人在影婚相, 又有人影畢業相.

太興這個糯米飯真係唔好食, 
沒有糯米飯味, 沒有臘味味, 
好似乾炒牛河味道嘅糯米飯, 
今個冬季第一次食糯米飯就失望添.

自己煮碟臘腸炒芥蘭補番.

Continue Reading...

簡單早午餐

天寒地凍特別好瞓，

睡晏了，來個早午餐。

材料都是昨日在city super 買，

昨日的citysuper好似打到嚟，

想要手推購物車都要排隊等，

排隊比錢時，條隊長到看不見收銀處，

原來會員咭有八折或九折，

買了約300元平了46多元，又好抵呀！

食完後才發覺忘記煮蘑菇，
唔怪得食時硬是欠了什麼。

Continue Reading...

是日晚餐

天氣轉冷，煮番餐暖身餸菜～
紅棗杞子魚肚蒸雞
清炒椰菜
黑蒜螺頭鮑片海參煲雞
將隻雞起左骨嚟煲湯,
雞胸雞脾和翼用嚟蒸,
哈哈！十分慳家。

Continue Reading...