Rity Yc's Blog

2008年10月20日星期一

disney

呢兩年呢機乎個個星期都會去的地方, 因為買左年票麻, 又可以免費泊車, 所以我地玩得好休閒, 要排隊...咪攪!

space mountain玩左一次咁多, 都係比呀女"tum"去玩的, 死咁滯. 玩得最多係巴斯光年 . 最鍾意係入面食佢嘅炸雞, 薯條同飲凍檸茶. 蛋撻好好味架, 不過由$8食到$12, 價錢都可以接受嘅. 但那間中式酒樓就好貴好貴lu.係酒店入面食buffet, 有年票嘅話有8折添呀, 初初係食成晚, 依家就分2個時段. 係disney hotel食buffet嘅話就會好唔得閒, 因為d 卡通入物會走出嚟, 又要影相, 又要食野.

我地嘅年票今個月到期啦, 唔續住lu, 睇吓佢有乜新野先考慮吓.

有時真係靜 "英英"的

水靜河飛.

呀女最鍾意嘅卡通人物.

我最鍾意嘅城堡.

睇到熟口熟面的巡遊, 不過我都睇得好投入架.

鍾意咪拎佢返屋企, 多數都係影左相當買左.

hallowween鬼屋就一次都未入過, 係出面已經好驚啦, 咪係驚左佢條龍尾囉.

2008年10月15日星期三

我最喜歡去的.......Perth

早幾年呀女去perth留學, 果時每年都會去一次.
一到perth就很喜歡這地方 ,成日都心思思想去啊.
今日無無聊睇番d相, 又想去呢,
依家d AU$好平呀.

成個perth最高的幾座大廈.

好舒服的街道

每次去都有食嘅炸魚薯條

我最愛的青口

d稻草人好認真架
不過夜晚見到可能會比佢嚇親

左下角有條鐵線係通左電的,
初初我地奇怪點解我地比草d牛食佢都唔行埋嚟,
我地d手仲伸出伸入咁 '喂'd草比佢,
最終呀女個同學仔比電電親,
灼傷左隻手,當時都好擔心佢,
後嚟見佢冇乜事先放心.

好酷呀!

我地行左出海中心呢.

好有創意啊........係一個荒廢左嘅遊樂場.

Busselton 的風景很美, 不過來回時間要駕駛6個鐘.

2008年10月13日星期一

升不起的中東包

昨日去學整羊肉串燒同中東包, 不過我最主要都係想學整中東包. 原本導師放假, 由另一導師代替.
有同學問miss: 我個包搓得夠唔夠柔軟呀?
miss答: 我答唔到你架喎, 你要自已感學吓我搓果舊麵團同你果舊比較吓;
.....同學可以出嚟感覺吓我(搓)果舊麵團.

到我焗嘅時候, 見個包升唔起, 個爐嘅燈又熄又著,
於是問miss:我個包唔升嘅, 個爐又熄又著, 係咪所以升唔起呀?
miss答:個爐嘅問題我唔知架喎, 個爐嘅野我唔識架, 你問番d 職員啦.
哎呀!miss呀, 你都埋嚟睇睇我個包仲可唔可以繼續焗oY.
終於咪變左焗餅乾囉, 唔知克力架係咪咁整嘅呢.
唔知點解佢全個課堂都冇行埋去學生嘅位, 睇吓人地做成點, 有冇做錯.雖然係要靠自己經驗(佢時常強調), 不過都要靠有經驗嘅導師指導吓架麻.

最終燒羊肉串都唔整啦, 拎返屋企整. 跟食譜整,自已攞經驗咪得囉, 佢講得都岩架.