一個人去廸廸尼

過多幾日我的生日月份便完結啦，
之前還未有時間去廸廸尼領取我的生日襟章和禮物呢,
husband沒假期, 今日唯有自己一個人去囉,
順便睇埋新的主題區迷離莊園.




去到樂園當然係第一時間攞左禮物先,
除了襟章還有3張五月份用的優惠卷,
想信無時間用lu.

北海道札幌五日遊 ~ 第五日(完結篇)

好快又要回港了,
北海道新千歲機場出名多嘢睇多嘢食,
所以雖然係乘下午4點幾的機,
一早食完早餐就離開酒店到機場作最後衝刺.




想不到在機場還可以吃到一餐好美味的壽司,
壽司的紫菜脆卜卜的, 比[政壽司]好得多呢.

北海道札幌五日遊 ~ 第四日

好快第四日lu,
今日盡情吃, 盡情買...
可能室外溫度低, 而室內溫度高又焗關係,
今日狀態麻麻呢.

食完早餐, 在酒店附近地下街逛了一陣,
就去Novotel Sapporo hotel 21 CLUB 吃和洋午餐,
午餐又是好友一早在港訂好枱.
好友說Novotel的午餐超抵, 因為晚餐會好貴,
嘗一下星級酒店午餐, 和好友談天說笑, 真幸福呀!

Novotel的和洋午餐每月因時令更改菜譜,
我和husband點了有刺身沙律, 凍湯, 燒帆立貝,  燒霜降和牛,
還有炒飯, 配菜, 麵豉湯, 甜品, 咖啡或茶的套餐,
都是5000yen(未計15%服務費和酒店稅), 超值呀~
(咁清楚係因為對住menu寫囉)

更抵嘅係, 酒店搞錯了我們和朋友們的order,
對調了兩個前菜, ,
所以我們吃了朋友們的兩個前菜, 而朋友就吃了我們的,
我們又只留意自己吃什麼主菜, 沒有察覺吃錯了,
直到主理鐵板燒的師傅預備我們的頭盆時才發覺呢,
我食到一半都唔知好唔好繼續食埋落去,
最後餐廳補回各人一份前菜, 所以抵左囉..
星級酒店餐廳竟這樣錯失....

北海道札幌五日遊 ~ 第三日

行程第三日原本計劃到小樽遊覽一整日,

上天狗山睇夜景, 食埋晚飯才回札幌,
但天公不造美, 整日下雨,
雖然雨勢不大, 但在街道上往來開遮收遮已覺煩了,
連傻瓜相機也不願拿出來呢, 有時用手機拍照算了.

北海道札幌五日遊 ~ 第二日

每次到北海道,

必定會計劃有一日到[中央缷売場外市場]吃午飯.

北海道札幌五日遊 ~ 第一日

未睇過日本櫻花,
抱住興奮心情去北海道欣賞下,
可惜天氣又凍又落雨,
櫻花樹上只見花蕾, 好失望呢!
有一日在街上漫步遇到微微的雨雪, 已經好開心~
比個藉口出年又去過囉!

今次行程十分舒適,
只有一日去得較遠的小樽,
其餘時間都在札幌市中心.

朋友電郵5日行程給我時, 
拎住個mouse '碌' 落去睇個行程,
兩吓就 '碌' 到 "札幌~香港" 呢幾個字,
5日時間總覺得太少...




第一件收穫是囡囡的手信,
大丸店剛有個廸士尼物品展, 入場費800yen,
場內唔可以影相, 用手機都唔得, 唔睇lu!
 

櫻花朱古力紅豆士多啤梨雪芳蛋糕!
今年在外地慶祝生日



今次好嘆, 連續5日4夜都住Keio Plaza Hotel
酒店房間和餐廳地方都有free wifi好方便.
講起酒店名就諗起入境過關時一個笑話,
入境紙要填境內入住地方, 因為酒店voucher在朋友處,
朋友被upgrade到business class, 優先落機, 所以聯絡唔到,
諗住札幌梗有間 '札幌酒店' 嘅, 咪填左 "Sapporo Hotel",
一定無衰啦, 佢地又未必睇啩..
點知呀sir話無Sapporo Hotel, 真係無晒辦法, 佢又一定要填,
我只係記得酒店名開頭係個K字, 講嚟講去都講唔到係K咩,
佢問係咪Keio, 我即刻話係囉..
但我又剩係聽到佢話K.O., 咪填K.O. Hotel,
最後呀sir串英文比我知先填得啱晒
 

幾日天色都是暗沉沉~
 

好熟識的札幌站.
 

晚餐在大丸樓上的[拉麵共和國]內食拉麵.

 

我要的春日限定拉麵.
 

晚上天氣清涼, 大概有5度左右,
食飽步行返酒店幾舒服的,
好幾次食完飯都選擇步行回酒店.
 

 

 

朋友在大丸超市買的大拖羅做宵夜.
 

仲有我買的割價士多啤梨, 半價咗788yen,
其實都唔知抵唔抵, 不過肯定的是食得好開心呢..

食埋雪糕, 一日行程完畢.